Ab aa jao . . .

Chalo ho gaya bahut waqt gaye hue, ab ajao.
Pyar k liye na sahi, karne ko ladai, ajao

Facebook ka ye tag, WhatsApp ka ye notification, choro inhe ab ajao

Chalo ho gaya bahut waqt gaye hue, ab ajao.

Har bar uthata hm kalam kuch likhne ko, poora nahi hota

Fadta hm panne kai, fek deta hm marod k dustbin me,

To kabhi nochta hm bal mai apne sar ka,

Kabhi to ginta bhi hm yun hi taare mai din me,

To kabhi khayal rahta nahi waqt o umar ka,

Likhne na sahi, khali karne kalam ki syahi, ajao.
Chalo ho gaya bahut waqt gaye hue, ab ajao.
Pyar k liye na sahi, karne ko ladai, ajao.

Poochta hai kabhi kabhi wo gol gappe wala chotu, gujarta hm jo udhar se,

Maqbool chacha bhi karte hain yaad, tumhe chai pe, apni boodhi nazar se.

Momos wala chandu, dikhta nahi ajkal na jane kyu

Bahana to tumhe bulana tha, in sabko bhi la raha hm isme, na jane kyu

Meri na mano, maqbool chacha ki sunne kahani ajao,
Chalo ho gaya bahut waqt gaye hue, ab ajao.
Pyar k liye na sahi, karne ko ladai, ajao

Kabhi hasane ko aao, Kabhi rulane ko aao,
Kabhi tadke jaga k, sair pe le jane ko aao.

Kuch meri suno,Kuch apni sunane ko aao,
Kabhi yu hi kahin, bewajah gungunane ko aao

Umar bhar k liye nahi, do pal k liye hi sahi,
Girte sambhalte yu hi, sath nibhane to aao

Qayamat ki sham ho, teri god mera sar, ya mera god tera sar.
Haule haule dheemi awaz me naam mera budbudane tak aao

Kaun si hai ye film, shayad “lambi judai”, ajao
Chalo ho gaya bahut waqt gaye hue, ab ajao.
Pyar k liye na sahi, karne ko ladai, ajao

  • Photo credit : – Rahul Singh
  • Written By Rahul Singh

Kids with the “Tiranga

20170813_230454

So, it’s the beautiful twilight hour, my office cab along with the other vehicles is moving slowly through the traffic jams. The radio is playing wonderful patriotic songs, and as I look out of my car window, I observe some kids with the “TIRANGA”

The weather is quite moist and warm outside but the shimmering rays of the sun diminishing in the horizon makes you dive into several thoughts. Those golden rays also fall upon the little kids who are holding thousands of balloons and many tricolors in their tiny hands in order to earn some food for themselves.

This panoramic view of “the kids with the tiranga” under golden rays of sun, took me back in time. To be honest, I have never seen Bhagat Singh, Sukhdev or Rajguru fighting for the country with my own eyes. However, I have an image that runs through my mind on how everything must have been at the point of time when we were not supposed to do anything of our own choice in our own country and how these great leaders and many others fought for almost 90 years to get us freedom. These kids now resemble to that image of younger Bhagat Singh Sukhdev and Rajguru running with the tricolor on their small shoulders. These kids represent the underprivileged but when I see them through those golden lights, I find that even though these kids do not have enough food to feed themselves, no roof for shelter, no education, no entertainment, still they have a Bhagat singh, a Sukhdev or may be a Rajguru inside them. All we need to do is make them realise that yes they are today’s fighters who needs to fight against their poverty, fight for their rights, fight for their education and become a legendary citizen of this country for which many “Bhagat Singhs” have already sacrificed their lives.

While I was still swimming in my philosophical pool, a shrill sound of car break brought me back and I find myself smiling like an idiot again.

Finally, getting out of my philosophical pool I step forward in life and stand with these lil Bhagat Singhs of today. Do you?

Continue reading

Hum Kyu Hain…?

WhatsApp Image 2017-06-23 at 11.45.16 PM

 

” Hum kyu hain yahan, ja rahe hain kahan nahi hai khabar na kisi ko pata.
jo hona tha wo nahi ho raha,
jo ho raha hai wo kyu ho raha.
sochte yahi, kitne huye la pata
nahi hai khabar na kisi ko pata.

Hum kyu hain yahan, ja rahe hain kahan nahi hai khabar na kisi ko pata.

Is choti si duniye me pange bahut,
kahin hain bimariyan kahin dange bahut,
kahin kisi romeo ki ho gayi pitayi,
kahin koi juliot kar rahi hai ladai.
kahin koi bachcha, bhookha ro raha,
Kahin koi boodha, yun hi so raha.

jo hona tha wo nahi ho raha,
jo ho raha hai wo kyu ho raha.
sochte yahi, kitne huye la pata
nahi hai khabar na kisi ko pata.
Hum kyu hain yahan, ja rahe hain kahan nahi hai khabar na kisi ko pata.

 Koi khush hai chand sikke kama k,
Koi ro raha hai apno ko ganvan k
koi kuch pane ki umeed me laga hai,
koi yun hi maidan chor bhaga hai

Hain kuch log ziddi abhi bhi,
jo badalne is duniya ki khatir, lage hain,
unme se soye hain sare, par kuch to jage hain.
kahin naujawan koi so raha,
kahin kisi mil me, bachpan kho raha.

jo hona tha wo nahi ho raha,
jo ho raha hai wo kyu ho raha.
sochte yahi, kitne huye la pata
nahi hai khabar na kisi ko pata.
Hum kyu hain yahan, ja rahe hain kahan nahi hai khabar na kisi ko pata.⁠⁠⁠

  • Photo credit  : – Rahul Singh
  • Written By Rahul Singh

Dekha……!

 


Dekha……!

————————————

Han Dekha! Dekha maine Dekha!
Yahan bhi dekha, wahan bhi dekha,
Sara ye jahan bhi dekha,
Kahin apno ki berukhi,
Kabhi gairon ka sath dekha.

Kisi ka aan-baan dekha,
Kisi ka shan-o-samman dekha,
Kabhi dabdabayi ankhe, aur
chehrey pe muskan dekha.

Kabhi badaltey saaz dekha,
Kisi ka takht-o-taaz dekha.
Chamchamati ankho ke pichey,
Dard bhara wo raaz dekha.

Kisi ke khokhaley waadey,
Kisi ka bholapan dekha,
Kisi ki mast nigaheyn,
Kisi ka alharpan dekha.

Kisi ki dharkan kisi ka saans dekha,
Kisi ka aas aur vishwas dekha,
Kisi ki jhuki ankho me,
Wo pyaar bhara ehsaas dekha.

Kahin os ki thandi boondey,
Kahin ghaas naram dekha,
Kahin aapno pe sitam,
Kahin gairon pe karam dekha.

Kahin bikhari tanhai dekhi,
Kahin bant rahi ruswai dekhi,
Kahin lut rahi angdayi,
Kahin wafa saason me samayi dekhi.

Kahin ankho me chamak dekha
Kahin dil me kasak dekha
Kahin thahri hui se zindagi to
Kahin thokaron se sabak dekha.

Kabhi bhagta shahar dekha,
Kabhi machakti lahar dekha,
Kahin jami mehfil to
kabhi tanha safar dekha.

Kabhi jalti chita dekhi,
Kahin bujhta saman dekha,
Kabhi thahri zamin to
Kahin pighalta asmaan dekha.

Kahin dil mayus dekha,
Kahin lab khamosh dekha,
Kabhi dekhi sard hawa to
Kabhi fiza madhosh dekha.

Kabhi badalta waqt dekha,
Kisi ki kisnat jabardast dekha,
Kahin bikhar ke udatey panne to
Kabhi dard-a-darakht dekha.

Kabhi kisii ki vidayi dekhi,
Kahin ho rahi judayi dekhi,
Dil-a-kaidi bahut hain yahan, par
Is kaid ki na kabhi rihaai dekhi.

Kabhi dil ye khayali dekha,
Kabhi harf ye sawali dekha,
Kabhi kapkapatey hoth to
Kahin mahfiley bhi khali dekha.

Yahan bhi dekha, wahan bhi dekha,
Sara ye jahan bhi dekha,
Han Dekha! Dekha maine Dekha!
Yahan bhi dekha, wahan bhi dekha,
Sara ye jahan bhi dekha,

@Rahul

Teri Muskaaan!

———————————-

Teri ek muskaan par,
mar jana achcha lagta hai.
Teri khatir duniya se,
kat jana achcha lagta hai.
Kya hua jo aaj tu paas nahi,
teri yaadon me doobna utraana achcha lagta hai.

Teri yaad ka har ek lamha,
Hai abhi tak yaad mujhe,
Tera is baat pe muskana,
Tera us baat pe sharmaana,
Tera yun hi baton baton me,
Mujhko har pal sata jana.
Har ik lamha har ek pal,Jana pahchana lagta hai.

Teri ek muskaan par,
mar jana achcha lagta hai.
Teri khatir duniya se,
kat jana achcha lagta hai.
Kya hua jo aaj tu paas nahi,
teri yaadon me doobna utraana achcha lagta hai

sardi ki dhundhali shaamo me,
baithe rahen hum der talak,
bahon ko dale bahon me,
der talak yun khoye rahna,
teri mast nigahon me.

Dhoondh rahin aaj bhi shaamen,
Sagar ke us kinarey par,
Pairon ke nishan to aaj bhi hain,
Ret ke us chaubarey par.

Suraj ke jaldi dhalne par,
Tera us par gussa jana,
Aaj bhi wo sari baatein,
Kabhi deewana, kabhi anjana,Kabhi begana lagta hai.

Teri ek muskaan par,
mar jana achcha lagta hai.
Teri khatir duniya se,
kat jana achcha lagta hai.
Kya hua jo aaj tu paas nahi,
teri yaadon me doobna utraana achcha lagta hai.
Teri ek muskaan par,
mar jana achcha lagta hai.

——————————

                                                       : – @Rahul

Kuch aisa kaam . . .

                       Kuch aisa kaam.  . . . .

Chalo kuch aisa kaam karte hain,
ke jag me apna bhi kuch naam karte hain..
dekhte hain khwab kuch naye se,
Khud ko aaj khud me hi gumnaam karte hain..

Us adhoori neend bhari raat se,
Puchtey hain sawaal kai
Jo hain ankahe se, dabe se..
Jo huwa, wo kyon hua, kab hua, kaise hua

In sare sawalo  ke jawaab,
dhundhne ka kuch intzaam karte hain…

Chalo kuch aisa kaam karte hain,
ke jag me apna bhi kuch naam karte hain..
dekhte hain khwab kuch naye se,
Khud ko aaj khud me hi gumnaam karte hain..

kab tak chale ye silsila, pata nahi..
jane kaun kahan mila, pata nahi..
khud se hi hai kyun har gila, pata nahi..
kyu na mai khud se ja mila, pata nahi..

Pata nahi ko pata nahi rahne dene
ki koshish ko aj to nakaam karte hain


Chalo kuch aisa kaam karte hain,
ke jag me apna bhi kuch naam karte hain..
dekhte hain khwab kuch naye se,
Khud ko aaj khud me hi gumnaam karte hain..

                                                     . . . . Rahul.singh